Närbild av gröna växter med röda knoppar, Sileshår, som avtecknar sig mot en klarblå himmel.

Manen suoddjimpárka li dárbulattja?

Suoddjimpárkajt vuododit la vuohke bisodit mijá aktisasj luonndo- kultuvrraárbev ja suoddjit bájkijt ma ietján nihteduvvi vahágahteduvvat ja ållu gáhtot.

Svieriga ednamis li tjáppemus ja árvulattjamus saje ma bisoduvvi ja suoddjiduvvi suoddjimpárkkan.

Suodje l dárbulasj goappátjagá luondo ja ulmutja diehti. Suoddjimpárkka l nannusamos suodje majt bájkke máhttá oadtjot.

 Vogelperspektive von Padjelanta, Gisauris, Staloluokta
Padjelanta suoddjimpárkka, Gisauris, Staloluokta. Foto: Laponiatjoutjudus

Mijá aktisasj åbmudak

Suoddjimpárka li mijá aktisasj árbbe mij gálggá gáhttiduvvat buoremusláhkáj midjij ja boahtte buolvajda.

Suoddjimpárkka vuododuvvá ráddidusás ja rijkkabiejves ja ednam stáhtas äjgoduvvá. Luonndogáhttimdåjmadahka gárvet märrádusáv, aktan lenastivraj ja ietjá bájkálasj dåjmadiddjij. Ájnas la gudi viessu lahkusin bargon oassálassti.

Spiedjilt Svieriga luondov

Suoddjimpárka spiedjildi Svierga luondov. Mijá guhtta luonndotjerda: váre, jávre ja tjátje, merragádde ja merra, mihtoslasstavuobme, dävgádahka ja goahttsevuovdde li gájkka åvdåstum.

Ulmme l bisodit stuoráp aktelis bájkev vissa ednamtjerdas daj luondulasj  hámen jali viehka iemelágásj hámen. Juohkka párkan la ietjas plána mij gåvvit gåktu bájkke galggá gáhttiduvvat vaj luonndoárvo máhtti bisoduvvat.

Dábálattjat la luonndo iemelágásj hámen. Valla vissa suoddjimpárkajn hähttu iemelágásj gáhttim joarkket hierditjjat giette ja hágána máhtsájduvvi.

Man och barn i Sonfjällets Nationalpark
Sonfjället suoddjimpárkka. Foto: Jocke Lagerkrantz
Utedass i Färnebofjärden Nationalpark
Färnebofjärden suoddjimpárkka. Foto: Länsstyrelsen Gävleborg

Turissma ja ålggoiellem

Suoddjimpárka li agev rahpasa guossijda. Ájggomus la da gálggi måvtåstuhttet ja giehpedit ulmutjijda bessat ålgus luonnduj. Moatten suoddjimpárkan li gárvedum bálká. Muhttijn gávnnuji aj vuosádusá bårråmsajij ja oahpestimijn.

Suoddjitjit luondov gávnnuji njuolgadusá masi l loabedum ja li loabedagi. Juohkkahattja riektá ij la fámon nuoges märráj ja muhttijn ij la loabálasj bednagav maŋŋáj válldet.

Juohkka párkan li sierralágásj njuolgadusá majt gávná diededimdáblojn gå dåhku boadá. Máhttelis la aj låhkåt ienebuv färttáhasj suoddjimpárka bielen.

Gájkka vuorddá váseduvvát

Svierigin li 29 suoddjimpárka ja gájka li árvvogisá guossidit. Viehka álkke l ienemusájda jåvsådit ja vásedit. Boadáldagájn gávnnuji bisádagá, ålggohivsiga, diededibme ja ietja dievnastus. Moatten suoddjimpárkan li oanep bálkká, bálkká ma birra manni jali luonndobálkká boadáldagáj guoran. Guhkebun suoddjimpárka álu ij la sämmi åledahtte jali duollidum.

Gávnnuji moadda vuoge suoddjimpárkat vásedit ållåsit; Vádtset, tjuojggat, vadnasijn, vuojŋastimbåhttsåjn jali mijá webbabielen!

Agev la guossen gåhtjodum, akta goassa, jagev birra.

Buorisboahtem! 

 

Ienep diededibme gávnnu webbabiele dárogirelak ja ieŋŋgisgielak åsijn.