Sihkarvuohta ja njuolgadusá

Juohkka suoddjimpárkan li sierralágásj njuolgadusá. Máhttelis la daj birra dán webban låhkåt. Dasi vil diededimdáblo gávnnuji párkajn.

Juohkkahattja riektá ij la fámon ållåsit gájkka suoddjimpárkajn. Suoddjimpárka njuolgadusa ráddjiji juohkkahattja riektáv dagátjit buorep suojev.

Bednaga älla agev vuordedum danen gå máhtti lådde- ja judosiellemav jali ällosujtov ráfeduhttet. Muhtem suoddjimpárkan oattjo bednagav maŋŋáj válldet jus la bátten.

Máhttelisvuoda duolmmot, rijddit ja skohterav vuodjet álu máhtti ráddjidum.

Dunji ásadiddjen mannuj suoddjimpárkan iehtjádijda li moadda vidjura ma dávk littji buore ájádallat birra.

Dunji ásadiddjen la åvdåsvásstádus gähttjamis at mano bájnatjibme luonnduj galggá nåv binnásj máhttelis, vieleduvvá ietjá ålggodåjmadiddjijda ja åvdåsvásstádusáv adnet árvustallamis jus doajmma bájnasj luondov nåvti at dárbbo l diededit rádedibmáj jali dasi loabev åhtsåt. Bagádus organiseridum ålggoiellemij ja luonndoturissmaj suoddjidum luondon gávnnu.

Moatten suoddjimpárkajn gávnnuji sierralágásj dagádum dållåsaje. Dajn máhtá dållit nåv guhkev gå ij la dållimbuorggo. Suoddjimpárkajn máhtti gávnnut sierralágásj njuolgadusá ma ráddjiji máhttelisvuodav dållit.

Dållimbuorggo dagáduvvá lenastivras jali kommuvnas. Ienemusát gávna diededimev sijá webbabielijn. Fábmudagán sebrudaksuoddjimij ja gárvesvuohtaj, MSB, li buollemváhtaprognåvså ja ietjá diededibme ietjas webbabielen.

Moadda tijma váttsos bálkkáj milta suoddjimpárkan e álu rávka sierralágásj russtigijt ietján gå buorre gábmagijt ja mutták bivvalis biktasijt.

Jus galgá manádit suoddjimpárkan váren de hähttu sierraláhkaj gárvedit. Váren dálven duv russtiga gähttjaluvvi sieldes garrasit. Jus sjaddá sieldes garras de russtiga dávk littji ájnnasa iellemij jali jábmemij. Sämmiláhkáj dálkev gähttjat.

Ienep diededibme gávnnu webbabiele dárogirelak ja ieŋŋgisgielak åsijn.