Gotska Sandön suoddjimpárka birra

Suoddjimpárkan la 4500 hektára vijddudahka, massta 3638 hektára liednamis. Dánna máhtá vásedit tjáppa sattojfiervájs, rávvisnuorjojs ja vuorjjás ruovddegåmbåjs.

Danen gå suoloj la giehppissáddus de l hármmadit báruk. Alemus sáttojtjoahkkidahka, Höga Åsen, la 43 mehtera ábe badjel.

Suollu stuorámus oasse l biehtsevuovdes gåbtjådum målsudahkes álldaris. Oabmásamos muora li jáhkedahtte vargga 500 jahkásattja. Sáttojtjoahkkidakgåbijn, nåv gåhtjodum ”morar”,  gávnnuji lasstavuome moatten guovlon. Gáddebájkke l sáttoj- ja sjárrafiervájs ja sisŋelin la nåv gåhtjodum burgsáttojtjoahkkidahka.

Ienep diededibme suoddjimpárka birra gávnnu webbabiele dárogielak ja ieŋŋgisgielak oasen.