Gávnnat suoddjimpárkkaj

Tågajn maná Bohusbana milta jali tjuovo E6:anav Strömstada guovlluj. Kostervadnasa jagev birra vuolggi Strömstadas. Räjsso válldá bájkoj 45 minuvta. Räjson vásá tjáppa merrasuollulagábájkij tjadá ja Kostervuona gursjo rastá. 

Resö, Rossö, Tjärnö ja Saltö suollujs li aj tjáppa várddaga Kostermera rastá ja väddja diehki gávnnu.

Diededimev iesj gávna trafijka ja ájggetabellajt birra Västtrafikan suollujda Kosteröarna, Resö, Rossö, Strömstad, Tjärnö/Saltö ja vil ienep sajijda jali guossida turisstadåjmadagáv Strömstadan.

• Västtrafiks webbabielev
• Koster Marin AB webbabielev
• Turistbyrån i Strömstad webbabielev 

Buorre vuolgadahka manádibmáj li umasslágásj boadáldagá. Dåhku álkket gávna ja danna galgá guossididdjen oadjot buorre diededimev suoddjimpárka birra. Ájggomus la boadáldahka galggá måvtåstuhttet, oajvvadit ja diededit. Boadáldagá li umasslágátja: diededimguovdátjijn li bargge jali val galba gávnnuji ienep jali binnep dárkkelis diededimijn. Naturum la oajvveboadáldahka suoddjimpárkkaj.

Biebmo ja idjadime jali ietjá ásadimij diŋŋgomij suoddjimpárka gáktuj, gehtja
Västsvenska Turistrådet.

• Västsvenska turistrådet webbabielev