Padjelanta / Badjelánnda suoddjimpárka birra

Jus dujna l vuorbbe de l máhttelis vuojná nágin Duorbuna, Jåhkågasska jali Sirggá tjieldijs boahttsujt tjoahkkimin missemärkkomij tjuovggis ijájn. Dálásjájge adni helikopterav ja motorduolmunijt viehkkeoabmen.

Badjelánnda l Svieriga stuorámus suoddjimpárkka. Namma l sámegiellaj ja merkaj ”Badje lánnda” Jårbbissiek váre ja stuorra jávre muohtagåbtjådum várijs duohken birástuvvi; Sarek lullne ja Sulidälbmá allen aktan vuona rádjávárij.

Ålles suoddjimpárka milta manná Badjelánnda- bálges ja vissa åsij tjadá manná aj Nuorttakalåhttåbálges. Badjelánnda-bálkes la dåbdos danen gå l álkke vádtset ja dåbåtja gávnnuji mutták biejvvevádtsusijda nubbe nuppes. Moatten årudagájn máhtá vádtsen varás guolev ja áttjak basedum lájbev oasstet.

Laponia väráltárbbe nammaduváj 1996, danna gávnnu Muttos aktan suoddjimpárkaj Sarek, Badjelánnda ja Stuor Muorkke. Laponiaj gullu aj luonndoreserváhta Sjávnja ja Stubbá ja bájke Sulidälbmá, Tjuoldavuobme ja Ráhpaäno suorgudahka (Lájtávrresliehto).

Ienep diededibme suoddjimpárka birra gávnnu webbabiele dárogielak ja ieŋŋgisgielak oasen.