Gávnnat suoddjimpárkkaj

Gejnudagájn li umasslágásj garra miere ja dánna gávnnuji vádtsema goappátjagá mánnáfuolkkáj ja eventuvrárijda. Oajvveboadáldahka l Nyvallena guoran.

• Kárttasváldas Sonfjället suoddjimpárkka (pdf)

Giesen álkket besa párkkaj bijlajn Hedevikenis. Gånnå väddja nåhkå (16 kilomehtera duogen) la Nyvallena giesseåroj ja Sonfjället Luonndodiededibme. Dánna gávnnu diededimdåhpe ja moadda bálkká dássta vuolggi. Diededimdåhpe l rahppot mihttsamáras gitta ragátmáno maŋŋegähtjáj. Bisádagán gávnnu vuojŋastimsadje dållåsajijn.

Suoddjimpárka allelin la Nysätern. Tjuovo vedjav Hedes Råndalena vuosstij de väddjagálbbim gávnnu. Bisádahka, vuojngastimsadje ja diededimdábblo gávnnu 18 kilomehtera duogen (oabme giesseårruha åvddålattjan). Dánna álggi goappátjagá giesse- ja dálvvebákká, iehtjádij siegen Sododalena guovlluj ja párka ájnna vuojŋastimdåhpe.

Sonfjälleda oarjjelin la Dalsvallen. Bijllaväddja Linsella ja Råndalena gaskan doalvvu duv diehki. Dánna álgá ietjat vádtsemav suoddjimpárka sisi birra jage. Goappátjagá giesse- ja dálvvebálkká vuolggi dássta. Dánna gávnnuji dåbe lájggit ja máhttelisvuohta l vádtsemijda oahpestiddjijn.

Valmenij besa Hedevikenis Sörvikena baktu (Valmåvägen, bájkoj 17 kilomehtera). Dássta máhttá vádtset giessebálkkán várráj, jali ber ganudit ja várddamav vásedit vuojŋastimsuoje guoran. Dánna gávnnu sahtusvuohtahiebadum vuojngastimsadje suodjedåbåtjijn, goarddemsadje ja gåjkkehivsikijn.

Ienep diededibme gávnnu webbabiele dárogirelak ja ieŋŋgisgielak åsijn.