Gávnnat suoddjimpárkkaj

Suoddjimpárkan gávnnuji gålmmå boadáldagá: Oajvveboadáldahka, Vitsand ja Ösjönäs. Gájkka boadáldagájn gávnnu diededibme, bisádahka, hivsiga, vuojŋastim- ja goarddemsadje. Oajvveboadáldahka l suoddjimpárka guovddelin. Dássta vuolggi suoddjimpárka ienemus bálkká, iehtjádij siegen Stenkällanij ja Trollkyrkobergenij. Guokta ietjá boadáldagá gávnnuji suoddjimpárka alle bájken, Stora Trehörininga jávre nuorttalin ja oarjjelin.

Jávre birra manná suoddjimpárka guhkemus bálges. Vitsanda boadáldagás vuolggi iehtjádij siegen bálkká Tärnekullenij ja Junker jägares sten. Ösjönäsa boadáldagás vuolggá bálkes mij la álkke vádtset Mellannäsuddena birra.

Tivedena suoddjimpárkkaj la vájvve jåvsådit bijladagi, valla máhtá dav vásedit duolmunijn jali hestajn viehkken. Rijddim- ja duolmunvedja manni suoddjimpárkkaj Tiveda tjoahkkebájkes ja moattet båndordåbes ja turisstaårudagás suoddjimpárka birra. 

Suoddjimpárkkaj álkkemusát jåvsåda bijlajn oarjját, rijkkavedjas 49 Karlsborga ja Askersunda gaskan. Dassta l galbbidum Tivedena suoddjimpárkkáj. Unnep väddja manná dassta Stenkällegården åvddål gå jåvsåt suoddjimpárka rádjáj. Väddja joarkká de nuortas suoddjimpárka tjadá, oajvveboadáldagá vajuk, maŋŋela doaresväddja gitta Vitsand boadáldahkaj ja vijmak almulasj väddjaj Askersunda ja Tiveda gaskan. Östsjönäs boadáldahkaj jåvsåda gå sváhka nuortas vedjas 49 ja de tjuovvot galbajt suoddjimpárkkaj ja Östsjönäs Boadáldahka Stenkällegårdena guoran.

Galbbidum la Tivedena suoddjimpárkkaj Laxåas ja Finnerödjas nuorttan.

Karlsborg Tiveden, bájkoj 27 kilomehtera, 26 minuvta. Stuoreda kártav dárkkelap väddjagåvvidibmáj.

• Kárttasváldas (Google Maps)

Askersund Tiveden, bájkoj 33 kilomehtera, 36 minuvta. Stuoreda kártav dárkkelap väddjagåvvidibmáj.

• Kárttasváldas (Google Maps)

Ienep diededibme gávnnu webbabiele dárogirelak ja ieŋŋgisgielak åsijn.