Åtså
Store Mosse nationalpark
Flygbild över mossen med en sjö i mitten som speglar sig i blekgrått mot himlen.

Store Mosse suoddjimpárka birra

Áhpe l ållu dålusj luonndotjärdda mij gávnnu oarjje svierigin. Lavnnjegierde lavnnjeednam la sjaddam binnemusát 8000 jagijn ja sisanet ienemusát sjaddoåsijs darfes. Sáttojtjoahkkidagá vuovdijn, nåv gåhtjodum ”rocknar”, dahki suollujs ja vierajs vuogádagáv rábás jiekken.

Geográfalasj sadje

Store Mosse suoddjimpárkka l Smålándan ja l Svieriga stuorámus stuorrát iemelágásj lavnnjebájkijs Lapplánda allelin. Gávnnuji moadda luonndoreserváhta suoddjimpárka lahkusin, Brokullen ja Långö Mosse, mij mierkki suoddjidum bájkke l vargga 8 000 hektára stuorre.

Väddja 151 Värnamo ja Gnosjö gaskan Jönköpinga lenan, manná njuolgga suoddjimpárka tjadá. Store Mosse stuorámus oasse l lavnnjebájkke, valla dánna aj gávnnu vuovdde, åvdemusát biehtsegielasvuovdde ja dibákvuovdde ja gievajiekke. Muhtem åsijn la aj gassa guossalagás oase.

Suoddjidum låddejávrre

Kävsjön suoddjimpárka gassko l dåbdos låddejávrre ja suoddjiduváj gasskabåddåsasj luonndoreserváhttan 1965. Suodje vuodov dagáj dasi mij suoddjimpárkkan sjattaj 1982. Kävsjö guoran la oajvveboadáldahka suoddjimpárkkaj naturumijn, låddedårnåj, goarddemsajij ja hiebadum bálkkáj. Naturumis la várda dävgádagá badjel Kävsjönan.

Ienep diededibme suoddjimpárka birra gávnnu webbabiele dárogielak ja ieŋŋgisgielak oasen.